Република Македонија располага со природни ресурси кои овозможуваат развој на органското производство како еколошки систем на управување со производството.

Органското производство обезбедува одржување и подобрување на животната средина и на здравјето на луѓето, а истовремено овозможува поголем економски просперитет на регионите во кои се практикува. Како дел од одржливото земјоделство, органското производство користи методи и постапки на работа кои ја оптимализираат продуктивноста на земјиштето, а истовремено го минимизираат штетното влијание врз почвата, водата, воздухот и здравјето, како на производителите така и на потрошувачите.

Производството на органската храна е по природен пат, без употреба на пестициди, вештачки ѓубриња, хормони за раст, конзерванси, вештачки адитиви, вештачки бои и ГМО (генетски модифицирани организми).

Во изминатите неколку години, благодарение пред се на повисоката финансиската поддршка на државата, капацитетите под органското земјоделство повеќекратно се зголемени. Продажбата на органски производи главно се одвива директно на фармите, но радува фактот што во изминатите  години некои органски производи се достапни на потрошувачите во големите маркети.Органските производи како производи со додадена вредност на безбедност и квалитет се продаваат по цени повисоки од конвенционалните производи како следува: