Согласно податоците на Министерството за земјоделство, шумарство и водостопанство, откупот на суров тутун од производна реколта 2015 година е завршен. Откупени се вкупно 18.910,31 тони суров тутун од страна на 10 регистрирани откупувачи, со просечна откупна цена од 184,5 ден./кг, која е за 57,4 % повисока во споредба со реколта 2014 година, кога просечната откупна цена изнесуваше 117,2 ден./кг.  Од вкупно откупените 18.910,31тони на суров тутун, 88,22 % или 16.683,8 тони се од типот ,,Прилеп” - со постигната просечна откупна цена од 184,56 ден./кг, од типот  ,,Јака’’ откупени се 2.149,93 тони или 11,37 % со просечна откупна цена од 183,77 ден./кг, додека 76,58 тони или 0,41 % се откупени од тип ,,Басмак”  чија  просечна откупна цена достигна 190,51 ден /кг.

 Табела 1.  Откуп на суров тутун по типови

*Извор: МЗШВ,ЗПИС