Поради топлото време во изминатиот период, на зелените пазари  порано од вообичаеното имаме богата понуда на  сливи и трпезно грозје. Во  првата половина на месец август,  важно е да се напомене високата цена на лимонот споредбено со истиот период лани за скоро 18 %, што се должи на намалената понуда на пазарот (во овој период цитрусното овошје доаѓа од Аргентина а со самото тоа зголемени се трошоците за транспорт). Големата понуда пак ја намали цената на црното трпезно грозје за 18 % како и цената на смоквата  која споредено со лани на пазарите се продава поевтино за 52 % .Во наредниот период, поради се поголемата понуда се очекува цената на смоквите и натаму да се намалува и  во просек да се движи од  20 до 25 денари за килограм.

Кај зеленчукот на зелените пазари по минатонеделното благо зголемување на цената на доматот и пиперките, цените се стабилизираа и сега доматот во просек се нуди од 30 до 50 денари за килограм,(зависно од сортата). Споредено со лани бележиме зголемување за скоро 53 % што се должи на недостаток на домат на пазарот. Позначајно зголемување на цената имаме и кај  благите пиперките за 12 %. Забележителен пад на цената имаме кај краставиците од -31%, морковот од -19% како и кај  оризот од 11% споредено со минатата година.

Во табелата 1, прикажани се просечните најзастапени цени на некои видови овошја за првата половина на месец август споредбено 2015-2016, како  и стапката на пораст и опаѓање изразена во  проценти.

Табела 1 

*цените се изразени во денари за килограм

Во табелата 2, прикажани се просечните најзастапени цени на зеленчук за првата половина на месец август  2015-2016 како  и стапката на пораст и опаѓање изразена во  проценти.

Табела 2

*цените се изразени во денари за килограм

Изработил:

Горан Димовски -Советник во ЗПИС