Откуп на суров тутун од реколта 2011 година вршеа 8 регистрирани откупувачи-преработувачи на суров тутун. Овие откупувачи - преработувачи се запишани во регистерот за откупувачи на тутун. За реколта 2011 година откупувачите имаа склучено  договори за производство и откуп на тутун со 33 234 производители за вкупна површина од околу 15 677Ха.

Од страна на регистрираните откупувачи извршен е откуп на суров тутун во лист за реколта 2011 година кој изнесува 21.024 тони со просечна откупна цена од 164,76 денари/кг. Структурата на откупот по типови е следна: ,,Прилеп” откупени се вкупно 14.212 тони суров тутун, со просечна откупна цена од 167,10 ден/кг; од типит ,,Јака,,  откупени се вкупно 5.327 тони суров тутун, со просечна откупна цена од 158,28 ден/кг; од типот ,,Басмак” откупени се вкупно 730 тони суров тутун, со просечна откупна цена од 186,07 ден/кг; од типот ,,Џебел” откупени се вкупно 44 тони суров тутун, со просечна откупна цена од 173,04 ден/кг и од типот ,,Отља” откупени се вкупно 85 тони суров тутун, со просечна откупна цена од 91,32 ден/кг.

Структурата на откуп на суров тутун по класи, од вкупно откупените количини на тутун, 21% се проценети во I класа, 58 % се проценети во II класа, 20% се проценети во III класа и 1% во IV класа.

Три тутунски претпријатија откупувачи-преработувачи беа вклучени во пилот-проектот ран откуп на тутун, при што од типот ,,Прилеп” откупени се 625,70 тони суров тутун, со просечна откупна цена од 148,61 денари/кг.