Последниот викенд во месец септември е резервиран за јубилејната тринаесета по ред манифестација  “Денови на македонскиот мед”.  Почнувајќи од 21 до 24 септември на Улица Македонија  голем број одгледувачи на пчели и производители на пчелни производи од сите региони на државата ќе ги претстават своите производи. Понудата и оваа година  е богата. Посетителите ќе можат да дегустираат и купат разни видови на  мед, и други пчелни производи.

Оваа 2017 ^та година е неповолна за пчеларите и производството на мед. Производителите посочуваат дека годината започна лошо, со многу ниски температури преку зимата кои траеа долго и предизвикаа загуби и штети во кошниците. Потоа дојдоа доцните пролетните мразеви кои го измрзнаа багремот и голем дел од овошките со што пчелите останаа без паша. Да биде штетата уште поголема, потоа имавме  долго и сушно лето, а со самото тоа се изгубија и приносите на мед. Производството на мед за годинава е преполовено поради што пчеларите ја зголемија и цената на медот.

Оваа година цената на медот (ливадски или шумски) изнесува 400 ден./кгр, медот во саќе се продава  исто така по цена од 400 ден./кгр. Повисока е цената на органскиот мед кој се нуди од 450 до 500 денари. Цената за килограм полен изнесува од 1400 до 1.500 денари за килограм. Восокот се продава од 550 до 600 ден/кгр., прополисот за 2.700 до 3.000 ден/кгр., пергата од 120 до 150 денари за 10 грама, додека  еден грам матичен млеч чини од 150 до 200 денари

*Изработил:

Горан Димовски-Советник за ЗПИС